fbpx

Studimi: Kjo çështje po i shqetëson shumë fëmijët

Blloku min lexim

Në vitin e fundit kriza e rritjes së çmimeve ka pushtuar të gjithë botën. Por, edhe pse nuk e shprehin fëmijët janë aq të shqetësuar për këtë fakt, sa edhe të rriturit.

Të paktën kështu rezulton nga një studim i publikuar së fundmi nga Children’s Society. Në të cilin theksohet se një në 10 fëmijë të moshës 10 deri në 17 vjeç janë të pakënaqur me jetën e tyre. Raporti nxjerr në pah se rritja e kostos së jetesës ka një ndikim të rrezikshëm te të rinjtë

Për shembull, më shumë se 2 milionë fëmijë në Mbretërinë e Bashkuar janë më të shqetësuar për rritjen e çmimeve sesa për mjedisin, ndërsa pothuajse 3 milionë nuk ndihen optimistë për të ardhmen e vendit apo të ardhmen e botës,.

Siguria e ardhshme financiare, megjithatë, është çështja që shqetëson më shumë brezin e ri: më shumë se 80% thanë se janë të shqetësuar për ndikimin që rritja e kostos së jetesës do të ketë në familjen e tyre gjatë 12 muajve të ardhshëm”, thuhet në studim. 

Raporti tregon gjithashtu se vajzat janë më pak të lumtura se djemtë me gjithçka në jetën e tyre, përveç detyrave të shkollës.