Diola Dosti dhe Nita Latifi ishin shoqe shumë të mira brenda shtëpisë së “Big Brother VIP Albania”, por jashtë ato nuk e kanë vazhduar më këtë miqësi.
Në një intervistë televizive dietologia tregoi pse vendosi t’i bënte unfollow në Instagram duke ndërprerë përfundimisht miqësinë mes tyre.
“Brenda shtëpisë së ‘Big Brother’ kam qenë njësoj si edhe jashtë dhe nëse është një individ që ka pasur një problem me shëndetin, unë kam bërë edhe rolin e nënës, duke qenë vetë nënë, për ta mbrojtur në mënyrë instiktive. Pashë që ky investim emocional që dhashë [për Nitën] aty brenda, nuk u barazua me pjesën jashtë kur dola. Pashë një energji totalisht ndryshe, u ndjeva pak e zhgënjyer dhe thashë: ‘E di çfarë? Kur unë investohem dhe nuk marr diçka mbrapsht, më mirë të fus vizën’,” shtoi në vijim.
Me fjalë të tjera, shoqëritë e “Big Brother” janë si ato shoqëritë tona dikur në plazh. Janë të bukura, por zgjasin shumë pak.
