Balerinët, Ilir Shaqiri dhe Albi Nako, kanë pasur replika të forta në distancë ditët e fundit lidhur me Dancing With the Stars. Nako bëri disa komente një javë më parë për Ilir Shaqirin si kryetar jurie i DËTS. Madje në përplasjen me Token, Albi Nako e krahasoi Ilir Shaqirin me dhelprën.
Kjo nuk i ka pëlqyer aspak Ilirit i cili në një intervistë për DWTS Fan Club është shprehur se Albi duhet ta shoh situatën si profesionistë dhe pastaj të komentojë.
“Unë atë që them, kritikë ose vlerësim atë pikë jap. I them Albit që duhet të ulet dhe të rishikoj momentet si profesionist. Dhe ta analizoj me ftohtësi. Të gjeneralizosh është kollaj, të specifikosh është vështirë. Krahasimi me dhelprën e kam si shiu mbi mushama, nuk më bëjnë përshtypje. Ai e di shumë mirë kush jam unë, kush është ai”, përfundoi Ilir Shaqiri.
Pas kësaj deklarate Albi Nako tha se e respekton shumë dhe është profesionist. Madje ai i dha notën 10 si juri.
“Unë me ilirin kam një të shkuar të hershme që në Itali. Kemi shumë situata të mira bashkë. Por kemi një shkëputje në vite. Në botën e artit çudtiërisht me ka ndodhë të kem patur shumë miq dhe koleg. Kemi patur një marrëdhënie të shëndetshme, por koha vërtetoi të kundërtën. Nuk e di pse njërzit pasi pozicionohen në punë, automatikisht kthejnë baterit kundër njëri tjetrit. Për mua është një luftë e ftohtë, por e panevojshme. Nuk kemi pse ta personalizojmë këtë situtë. Me Ilirin nuk kam asgjë përonale dhe e vlerësoj dhe e respektoj shumë”, replikon Albi Nako.
