Duket se problemet e familjes Cyrus janë të thella. Noah Cyrus e quajti motrën e saj, Miley Cyrus, ‘mosrespektuese’ në seksionin e komenteve të një interviste që është rishfaqur në Tik-Tok.
“Mosrespektimi në këtë video…”, ka shkruar këngëtarja 23 vjeçare në disa screenshot që qarkullojnë në rrjetet sociale.
Klipi në fjalë shfaqte Miley duke biseduar me Joe Rogan për vëllezërit e motrën e saj në “The Joe Rogan Experience” në shtator 2020. Ai e pyeti atë nëse përvoja e Noah-së duke u rritur nën hijen e saj e kishte penguar në ndjekjen e një karriere në Hollywood.
“Ju ose shkoni në njërën anë ose në tjetrën,” u përgjigj këngëtarja e “Midnight Sky”, duke vënë në dukje se motra e saj më i vogël dëshiron një jetë në qendër të vëmendjes.
“Ajo ka një këngë që unë e dua “Fundi i Gjithçkaje”… dhe është EP-ja më dëshpëruese që do të keni dëgjuar ndonjëherë. Ajo është 20 vjeç. Ajo është shumë sentistive.”
Fansat thonë se komenti i Noah ishte i lidhur me grindjen rreth divorcit të prindërve të tyre Billy Ray Cyrus dhe Tish Cyrus. Komenti i Noah vjen dy muaj pasi Miley u bashkua me gjysmëvëllezërit e saj, Brandi Cyrus dhe Trace Cyrus, në dasmën e Tish me yllin e “Prison Break”, Dominic Purcell.