Flija është një nga gatimet më tradicionale të veriut të Shqipërisë por edhe të Kosovës, ku është mjaft e kërkuar edhe sot. Të gjithë jemi mësuar të shohim fli me tepsia normale gatimi, por dy gra nga fshati Gjonaj, Has, e komunës së Prizrenit, kanë vendosur të surprizojnë shqiptarët anë e mbanë.
Edhe pse 80 vjeçe, Lokja Shahe ka thyer rekordin për gatimin e flisë më të madhe ndonjëherë në trevat shqiptare. E moshuara është ndihmuar nga zonja Rabie Hodaj, e cila ka treguar me hollësi gatimin e kësaj flie dhe cilët ishin përbërësit e saj.
Më shumë se 50 kg miell, 7-8 kilogramë gjalp, si dhe dhjetra kokrra vezë ishin pjesë përbërëse e përgatitjes së flisë. Mirëpo një sasi e konsiderueshme u shpenzuan edhe për drru zjarri, ku për të pjekur flinë gjigante u deshën 3 metër kub,
Me përmase 2 metra e gjate, për gatimin e kësaj flije u prodhua enkas një saç për pjekje. Pas gatimit, ajo është transportuar me një mjet të veçantë në shtëpinë e Kulturës së qytetit të Prizrenit, ku edhe është konsumuar.
