fbpx

VIDEO/ Edukatorja dhunon 3-vjeçaren në kopsht, vogëlushja përfundon me këmbë të thyer

Blloku min lexim

Dhuna në kopshte është kthyer në një fenomen që ndodh shpesh në vendin tonë dhe deri më tani nuk janë marrë kurrë masa.  Këtë herë në ngjarje  rëndë ka ndodhur në kopshtin “4 Stinët” në Alidem, ku një prej edukatoreve ka dhunuar barbarisht një vogëlushe 3-vjeçare.

Sikur shihet në video ajo e tërheq zvarrë dhe e godet vazhdimisht me vizore të miturën, ndërsa kjo e fundit ulëret nga dhimbjet.

Denoncimin e kanë bërë në emisionin STOP prindërit e vogëlushes të cilët tregojnë se  e çuan për vizitë vajzën, pasi qante pa pushim dhe ka rezultuar se i është thyer një këmbë nga dhuna.

Situata rëndohet më shumë kur bëhet me dije se fillimisht Spitali i Traumës nuk ka bërë kallëzim për këtë ngjarje skandaloze, megjithëse ishte konstatuar këmba e thyer e vajzës. Po kështu, Oficeri i Policisë Gjyqësore, Ergys Brahimaj, nuk i ka marrë një denoncim prindërve në momentin kur e vogla ka shkuar me traumë në spital.

Babai i vajzës tregon se drejtoresha e kopshtit ka biseduar me OPGJ-në atë ditë duke i thënë se nuk kishte asnjë problem dhe ishte e afërmja e të miturës. Denoncimi është bërë të nesërmen nga e ëma e vajzës.

Etiketa: