Rita Ora është fotografuar, e ulur përkrah tenistit serb Novak Djokoviç. Të dy ishin duke ndjekur finalen e Rugby-së pranë njëri-tjetrit.
Një pamje kjo që ka provokuar opinionin publik shqiptar, të cilët kanë ironizuar në rrjetet sociale, patriotizmin që artistja transmeton vazhdimisht përmes postimeve të saj.
Kjo nuk është hera e parë që Rita Ora thumbohet nga fansat. Ajo mori kritika të mëdha pak kohë më parë, teksa u shfaq në skenë duke mbajtur mbi supe flamurin e Serbisë. Vetë këngëtarja deklaroi se nuk ishte në dijeni se cilit shtet i përkiste flamuri që iu hodh në skenë nga një fans.
Por, Besnik Sahatçiu, babai i yllit botëror, ka publikuar pamje nga një tjetër kënd, nga ku shihet se këngëtarja nuk ishte e ulur afër tenistit serb Gjokoviq.
“Paris 2023, Finalja e Kupës së Botës në Ragbi, Rita dhe Taika duke i mbështetur ekipet”, shkruan babai i Orës në profilin e tij në Facebook.
Postimi i tij vije pas kritikave të shumta që mori këngëtarja nga paraqitja e saj në këtë ngjarje sportive, ku u pa në afërsi të tenistit serb Gjokoviq.
