fbpx

A  e zëvendësoi Megi Pojani si duhet Borën duke sjellë një stil ndryshe në “Për’puthen”?

Blloku min lexim

Reality show më i ndjekur i dashurisë në Shqipëri “Për’puthen” ka filluar transmetimin edhe për këtë sezon. Me datë 18 shtator kur u dha edhe puntata e parë u vunë re disa ndryshime.

Këtë gjë në fakt e kishte paralajmëruar më herët edhe vetë prezantuesja e re Megi Pojani.  ‘Përputhen do ketë shumë ndryshime, në strukturë ideja ngelet e njëjtë, është një program dating dhe spektakël, por ne po përpiqemi të bëjmë diçka ndryshe nga Përputhen e 4 viteve të fundit”, deklaroi Megi Pojani.

Që në fakt u duk si një mesazh për ish-moderatoren e emisionit Bora Zemani. Duket sikur Megi donte t’i tregojë asaj se po e zëvendëson me një sërë risish, që pritet të kenë më shumë sukses. Edhe pse kjo pjesë mbetet për t’u parë. 

Sakaq kujtojmë se vitin  e shkuar Bora pati bujë si moderatorë në “Dancing With the Stars”, dhe rikthimin pas disa javësh në Përputhen. Çka u duk se tashmë po kthehej në imazhin e Top Channel.

Por, në fakt Megi po e konkurron fortë.

Pas suksesit në “Dancing With the Stars”, dhe moderimit të BB FunClub tashmë Top Channel i ka besuar Megi Pojanit prezantimin e programit Përputhen, nën autorësinë e Olsa Muhameti.

Top Channel është televizioni i vetëm që kam konsideruar për të vazhduar karrierën time në media. Kanë qenë bashkëpunime shumë të kënaqshme, dhe jam e bindur që edhe Përputhen do jetë një prej tyre. Jam e lumtur që ma kanë besuar si program”,  është shprehu Megi.

Dhe në fakt me ato puntata që janë dhënë deri më tani edhe fansat kanë evidentuar disa ndryshim, ku një pjesë pëlqehet më shumë në krahasim me kohën kur emisioni drejtohej nga Bora. Ajo më ndryshe se zakonisht këtë emision e filloi me shkop në dorë.

Gjithashtu dhe pozitiviteti i saj u vu re thuajse nga gjithë publiku, të cilët nuk nguruan t’ia vinin në pah në seksionin e komenteve në rrjetin social, Instagram.

Ndër të tjera ajo çka u vu re është ndryshimi i dizajnit të skenës, molla si simbol i emisionit dhe fakti që Megi arrin të kontrollojë më mirë konkurrentët dhe komunikimin mes tyre.

Gjithsesi, kishte edhe nga ata fansa që thanë se Megi po imiton Borën!