Stefanía Villamizar González, një vajzë 10-vjeçare, humbi jetën për shkak të një infeksioni misterioz të marrë gjatë qëndrimit të saj në Santa Marta, një qytet i vendosur në detin Karaibe në Kolumbi, ku ajo kaloi pushimet me familjen e saj.
Pas vdekjes, ekspertët e gjurmuan shkakun tek Naegleria fowleri, e njohur zakonisht si ameba që ha trurin, e cila zakonisht gjendet në mjedise me ujë të ëmbël, megjithëse në disa raste prania e saj është konstatuar edhe në parqe ujore dhe pishina. Ky mikroorganizëm është përgjegjës për vdekjen në 97% të rasteve në të cilat është kontraktuar.
Episodi daton në këtë verë. Vogëlushja, sipas asaj që raportuan mediat ndërkombëtare, pjesën më të madhe të kohës e kalonte në pishinën në Santa Marta. Pasi u kthye në shtëpi, vajza e vogël filloi të përjetonte probleme shëndetësore, duke përfshirë dhimbje të forta veshi, të vjella dhe temperaturë.
Fillimisht, episodi u trajtua nga mjekët si një infeksion i thjeshtë i veshit dhe dhimbja gradualisht u qetësua. Disa ditë më vonë, më 4 korrik, situata u përkeqësua në mënyrë dramatike. Nëna e saj tha se Stefanía nuk pranoi të ngrihej nga shtrati dhe se drita i shkaktonte shqetësim të madh në sytë e saj.
Më pas filluan komplikimet dhe ajo u shtrua menjëherë në urgjencë. Më 26 korrik, ajo u diagnostikua me vdekje në tru, e ndjekur nga një deklaratë e vdekjes dy ditë më vonë
