Vitin e kaluar, këngëtarja 55-vjeçare Celine Dion u diagnostikua me një çrregullim të rrallë neurologjik të quajtur ‘sindroma e personit të ngurtë’, pra që nuk mund të lëviz muskujt. Në media thuhet se gjendja e saj por përmirësohet, por ende pa ndonjë efekt të dukshëm. Ndërkohë, së fundmi motra e saj Claudette Dion ndau disa informacione të reja mbi gjendjen e Celine
“Ajo po punon shumë, por ajo nuk ka kontroll mbi muskujt e saj. Kjo është ajo që me të vërtetë dhemb, që ajo ka qenë gjithmonë kaq e disiplinuar. Ajo gjithmonë ka punuar shumë”, u shpreh ajo.
Ajo tregoi se është ende ëndrra e familjes Dion që Celine të kthehet edhe një herë në skenë.
Më tutje ajo u shpreh se situata nuk është fortë e mirë për shkak se edhe mjekët nuk kanë shumë informacione mbi këtë sindromë, duke qenë se prek shumë pak njerëz në botë.
“Meqenëse është një rast në miliona, shkencëtarët nuk kanë bërë shumë kërkime, sepse nuk ka prekur aq shumë njerëz. Kjo na e bënë më të vështirë”, theksoi ajo.
Por Claudette foli gjithashtu për mbështetjen dhe dashurinë që ata kanë marrë nga fansat që nga diagnoza e Celine: “Ajo ka marrë kaq shumë mesazhe dhe lutje.”
Kujtojmë se, për shkak të betejës së vazhdueshme shëndetësore, Celine, për fat të keq, iu desh të anulonte turneun e saj botëror majin e kaluar. Këngëtarja “My Heart Will Go On” ndau në një postim më pas, “Më vjen shumë keq që ju zhgënjej të gjithëve edhe një herë. Po punoj shumë për të rikthyer forcën time, por turneu mund të jetë shumë i vështirë edhe kur je 100%”.
