Regé-Jean Page konsiderohet njeriu më i pashëm në botë, sipas shkencës. Në moshën 35-vjeçare, aktori kryeson listën e aktorëve të Hollywood-it, atletëve dhe figurave të tjera publike të analizuara për pamjen e tyre.
Studimi tregoi ai ka një fytyrë që është 93.65 për qind e përsosur sipas Raportit të Artë të Bukurisë Greke Phi, i cili mat përsosmërinë fizike, duke e bërë atë njeriun më të pashëm në botë.
Në të njëjtin sondazh, i udhëhequr nga kirurgu plastik dhe komentatori televiziv me bazë në Londër, Dr. Julian De Silva, dhe i publikuar nga gazeta britanike Metro, aktorët Chris Hemsworth, me 93.53 për qind, Michael B. Jordan me 93.46 për qind dhe këngëtari Harry Styles me 92.30 për qind gjithashtu bënë pjesë në listë.
Para se të shpallej njeriu më i pashëm në botë, titulli për vitin 2020 i shkoi aktorit Robert Pattinson.
Raporti i Artë, shpesh i referuar si “përmasa hyjnore” ose phi (φ), është një raport matematikor që ka mahnitur studiuesit, artistët dhe shkencëtarët për shekuj me radhë. Ai besohet se përfaqëson një përmasë vizualisht të këndshme që gjendet në natyrë, arkitekturë, art dhe madje edhe në anatominë njerëzore, duke qenë kështu baza e përsosur për të përcaktuar njeriun më të pashëm në botë.
Në estetikë, Raporti i Artë shpesh lidhet me harmoninë, ekuilibrin dhe bukurinë. Është teorizuar se objektet dhe kompozimet që ndjekin këtë raport perceptohen si më estetikisht të këndshme.
