Snoop Dogg, reperi i mirënjohur, imazhi i të cilit ka qenë prej kohësh i lidhur me dashurinë për marihuanën ka vendosur të heq dorë t nga kjo drogë.
Nuk është e qartë nëse ai do të lërë përfundimisht edhe duhanin apo vetëm lëndën narkotike të marihuanës e llojeve të tjera. Gjithsesi është një hap mjaft i madh duke patur parasysh se ai njihej edhe si “Mbreti i Marihuanës”.
“Pas shumë shqyrtimeve dhe bisedimeve me familjen time kam vendosur të lë tymosjen. Ju lutem respektoni privatësinë time në këtë rast,” shkroi Snoop Dogg në Instagram-in e tij.
Kujtojmë se në vitin 2019 ai punësoi një person që i dridhte cigaren me marihuanë.
Reperi Snoop Dogg ka qenë përdorues i rregullt i kësaj lënde narkotike, madje thuhet se ka patur bandën e tij. Për këtë shkak shpesh ai ka përfunduar pas hekurave.
Në 2012 reperi është arrestuar në Norvegji, pasi ka hyrë në vendin skandinav me 8 gramë marihuanë, që është gjetur në çantën e tij, bashkë me një shumë parash. Zyrtarët refuzuan të konfirmojnë emrin e këngëtarit në mediat norvegjeze, duke thënë vetëm se një artist amerikan hyri me një sasi të konsiderueshme marihuane, që u pikas nga qeni nuhatës. Edhe në të kaluarën, reperi (emri i vërtetë i të cilit është Calvin Broadus), është arrestuar për zotërim marihuane.
