Brad Pitt ka fituar raundin e fundit të betejës ligjore kundër ish-bashkëshortes së tij, Angelina Jolie, për vreshtat francezë me vlerë 500 milionë dollarë, zbulojnë burimet për “Page Six”.
Ylli i “Moneyball”, 60 vjeç, ka qenë në gjykatë në Kaliforni dhe në Luksemburg për “Château Miraval”, duke kërkuar se ai duhet të kishte një kontroll mbi pronën e përbashkët të çifitit. Mirëpo Jolie, 48 vjeç, ia shiti aksionet e saj Yuri Shefler, pronar i gjigantit rus të vodkës.
Para se të martoheshin, çifti bleu pronën së bashku, ku Pitt zotëronte 60 për qind dhe Jolie 40 për qind.
Kur lidhën kurorë në 2014-ën, Pitt i dhuroi gruas së tij edhe 10% nga prona si dhuratë dasme duke e bërë ndarjen e pronës 50 me 50.
Joli më pas vendosi t’i shiste aksionet e saj, mirëpo Pitt pretendon se marrëveshja nuk ishte e vlefshme dhe se ai ende zotëron 60% të pronës.
“Marrëveshja ishte që Angelina të merrte 10% më tepër nga ai, duke e bërë marrëdhënien 50-50, por aprovimi u arrit për vetëm 1 euro. Ishte simbolikë e marrëdhënies”, thonë burimet për Page Six.
Gjykata e Luksemburgut i dha mbrapsht Brad Pitt 10% e tij duke e lënë këtë çështje të mbyllur nga ana e tyre deri në vendimin final. Beteja ligjore mes çiftit vazhdon ende, por kjo është një fitore e madhe për Brad Pitt, i cili nuk ka qenë i favorizuar në vendimet që janë marrë deri tani për ta.
