Kishat janë vende ku njerëzit zakonisht shkojnë për të gjetur paqe ose udhëzim shpirtëror kur përballen me sfida në jetë. Megjithatë, përveç arsyeve fetare, këto vende kulti janë vepra të vërteta arti kur analizohen nga një këndvështrim arkitektonik.
Qoftë gotik, barok apo modern në dizajn, këto struktura janë imponuese dhe me detaje të pasura, duke magjepsur specialistë dhe duke tërhequr turistë të panumërt çdo vit.
![](https://rtsh24.s3.eu-central-1.amazonaws.com/2023/10/703ad0514c9a45789312c9ec9efbfeb9.jpg)
Sagrada Familia – Barcelonë, Spanjë – Ky projekt arkitekturor është projektuar nga Antoni Gaudi, dhe ende nuk ka përfunduar. Katedralja është një nga pikat turistike më të vizituara në Spanjë.
![](https://rtsh24.s3.eu-central-1.amazonaws.com/2023/10/1dda76b218234cc2a5f4dcdf2f54aeba.jpg)
Katedralja e Shën Vasilit – Moskë, Rusi – Katedralja e Shën Vasilit u ndërtua në shekullin e 16-të dhe u deshën më shumë se dhjetë vjet që ndërtimi të përfundonte. Është një nga simbolet e kryeqytetit rus.
![](https://rtsh24.s3.eu-central-1.amazonaws.com/2023/10/60a04060b6384130bc3d91a351d7e2cd.jpg)
Notre-Dame – Paris, Francë – Katedralja e Notre-Dame është një nga katedralet gotike më të vjetra në të gjithë Francën. Është ndërtuar në mesjetë dhe tërheq mijëra vizitorë çdo vit.
![](https://rtsh24.s3.eu-central-1.amazonaws.com/2023/10/cb07f06856924ff089a89066ca567586.jpg)
Bazilika e Shën Pjetrit – Romë, Itali – Kisha katolike romake më e madhe dhe më e rëndësishme në botë, Bazilika e Shën Pjetrit vizitohet edhe nga shumë besimtarë të besimeve të tjera nga e gjithë bota.
![](https://rtsh24.s3.eu-central-1.amazonaws.com/2023/10/098ae0a404884e2fa5e76eee54679e27.jpg)
Katedralja e Firences – Firence, Itali – Është kisha e pestë më e madhe në Evropë.
![](https://rtsh24.s3.eu-central-1.amazonaws.com/2023/10/15232cd207e14a598e20b56ba4e76a2c.jpg)
Katedralja e Shën Patrikut – Nju Jork, Shtetet e Bashkuara – Me kullat neo-gotike, ajo është kisha më e madhe katolike në Shtetet e Bashkuara dhe pret mijëra vizitorë çdo ditë.
![](https://rtsh24.s3.eu-central-1.amazonaws.com/2023/10/b2e42c0d4e694edf9a5f80f6f0317ce9.jpg)
Hallgrímskirkja – Reykjavík, Islandë – Në lartësinë 74,5 m, kisha Hallgrímskirkja është më e larta në Islandë. Dizajni u frymëzua nga llava e një vullkani.
![](https://rtsh24.s3.eu-central-1.amazonaws.com/2023/10/77627588a8f242c2b88a007520462776.jpg)
Katedralja e Limës – Lima, Peru –Dizajni i saj katër këndor është në stilin neoklasik të shekullit të 17-të. Katedralja e Limës është një vend i trashëgimisë botërore të UNESCO-s.