Angelina Jolie po akuzon së fundmi Brad Pitt me pretendimin se ky i fundit po përpiqet ta bëjë të heshtë. Në disa dokumente gjyqësore të dërguara në gjykatë, avokatët e yllit të “Maleficent” pretendojnë se Pitt po e shtyn Jolie drejt nënshkrimit të një marrëveshje heshtjeje, sipas “People”.
Ekipi ligjor i aktores tha se bëhet fjalë për një marrëveshje që e detyron yllin e “Fight Club” të mos zbulojë një informacion, të cilin avokatët e Pitt e kanë cilësuar si “të gjerë dhe ndërhyrës” në një dosje të veçantë.
Çifti, i cili ka qenë i martuar nga viti 2014 deri në vitin 2019, duket se kanë vijuar me betejën ligjore për një kantinë vere franceze të quajtur “Château Miraval”. Në vitin 2022, aktori paditi ish-in e tij për shitjen e aksioneve të saj, duke pretenduar se ajo kishte shkelur një marrëveshje që asnjëri nuk mund ta shiste nëse tjetri nuk e miratonte. Në dokumentet e fundit të gjykatës, avokatët e Jolie pretendojnë se aktorja “nuk po vepronte me keqdashje dhe me qëllim për të lënduar Pitt” kur ajo shiti pjesën e saj të “Miraval” në vitin 2021.
“Në vend të kësaj, ishte Pitt ai që refuzoi të blinte pjesën e saj, nëse aktorja nuk nënshkruante një marrëveshje prej 8.5 milionë dollarësh, që e detyron atë të heshtë për abuzimet e aktorit,” thonë avokatet e Jolie.
FOTO: Getty Images
Nga ana tjetër, ekipi ligjor i yllit të “Moneyball” pretendon më tej se “komunikimet e tij private me palët e treta” nuk kanë të bëjnë me mosmarrëveshjet financiare mbi punishten e verës dhe e akuzojnë Jolie-n se po përpiqet që “ta kthejë këtë çështje biznesi në një rigjykim për ish-çiftin.”
Çifti i famshëm u nda në shtator të vitit 2016, pas një udhëtimi familjar me avion nga Franca në Los Angeles, ku Angelina pretendonte se Pitt ushtroi dhunë fizike ndaj saj dhe fëmijëve.
