Sara Hoxha, e ftuar në “Më lër të flas” u është përgjigjur pyetjeve të binjakëve Veshaj, duke konfirmuar edhe një herë faktin që edicionin e tretë të “BBVA” do e moderojë Ledion Liço, rikthimin e tij në ekran, si dhe e ka cilësuar edicionin e ri të reality show-t si “fenomenal”.
Fillimisht, ajo pranoi se bashkëshorti i saj, Ledion Liço, do të jetë moderatori i spektaklit:
“Po, Ledioni do të moderojë “BBVA 3”, duke cekur edhe rikthimin e tij në televizion: “Rikthimi i Ledionit në televizion nuk është kërkësë e imja personale. Ai është shkëputur nga televizioni. Mund të jem edhe unë arsyeja dhe gjendja ime emocionale. Historia jonë është shitur si histroria e Hirushes që u martua me një nga pronaret e institucionit ku punonte dhe jeta e tij do shkonte vaj. Por një njeri që ka pasur ëndrra e të mëdha, që ka lënë Ersekën për Tiranën dhe ka gjetur “Amerikën” e tij dhe jetën e tij në Top Channel, ku ka punuar për 20 vite”.
Ajo shtoi se kjo dekadë që kanë lënë pas nuk ka qenë e lehtë për ta:
“Nuk ka qenë i lehtë ky 10-vjeçar që ne kemi lënë pas. Ledioni është një profesionist, është më i miri në punën që bën, unë e them këtë me modesti. Do të jetë një risi, një ndryshim që nuk do përkrahet lehtë nga publiku në fillim”, u shpreh Sara, duke nënkuptuar kështu se është në dijeni të “rrezikut” që sjell moderimi i Ledionit, pasi publiku është mësuar me prezantimin e Arbana Osmanit (siç edhe e ka komentuar shpeshherë)”.
Megjithatë, Sara u shpreh se “Big Borther Vip Albania” këtë vit do të jetë “fenomenal”: “Ju siguroj që “BBVA” këtë vit do të jetë fenomenal, me banorë të jashtëzakonshëm dhe supriza. Me super personazhe”, u shpreh ajo.
