Maturantët do ti nënshtrohen sot testit të tretë të Maturës Shtetërore, atij të Matematikës. Rreth 30 mijë maturantë do të ulen në bankat e shkollës për të testuar njohuritë e marra në këtë lëndë përgjatë 3 viteve.
Provimi do të nisë në orën 10:00 dhe do të zgjasë 2 orë e 30 minuta.Kujtojmë se provimet e Maturës nisën më 1 qershor, ku nxënësit iu nënshkruan testit të parë, atij të Gjuhës së Huaj, ndërsa një javë më pas testuan njohuritë në lëndën Gjuhë Shqipe dhe Letërsi.
Testi për secilin nga provimet e Maturës Shtetërore 2023 vlerësohet me 60 pikë maksimale, ndërsa për nxënësit që rezultojnë mbetës në provime, ata ritestojnë sërish njohuritë në sesionin e dytë.
Gjithashtu kujtojmë se, me anë të një statusi në rrjetet sociale, ministrja Kushi publikoi shifrat, ndërsa theksoi se niveli i kalueshmërisë ishte 96% dhe rreth 24% e maturantëve morën notën 10 absolut. Gjithashtu ajo u shpreh se 4% prej tyre kanë ngelur në këtë provim.
