fbpx

Zbulohet furra qeramike nga gërmimet arkeologjike në Durrës

Blloku min lexim

Një grup arkeologësh shqiptaro-italian po vazhdojnë ekspeditën në Amfiteatrin e qytetit të Durrësit, ku brenda dy javëve nga nisja e gërmimeve kanë zbuluar një furre qeramike në pjesën jug-perëndimore të tij.  Grupi i arkeologëve janë fokusuar për pastrimin dhe thellimin e pjesës perëndimore të Amfiteatrit, ndërkohë që do të vazhdoj thellimi më tej në galeritë e Amfiteatrit.

Gërmimet kanë filluar më 4 tetor dhe do zgjasin deri në fund të tetorit. Bashkëpunim shqiptar-italian. Deri tani nga pastrimet dhe gërmimet është zbuluar një furrë qeramike shumë interesante.

Ekspedita arkeologjike ka për qëllim të nxjerrë në dritë nga nënshtresat e Amfiteatrit të ndërtuar në shekullin II të Erës Sonë të tjera dëshmi të trashëgimisë së pasur kulturore të Durrësit.

Ndër vite ekspeditat arkeologjike kanë zbuluar faza të rëndësishme post-antike dhe struktura të sitit të rëndësishëm arkeologjik.