fbpx

WhatsApp me risi të papritur

BllokuTV min lexim

Rrjetet sociale me sa duket po bëjnë hapa galopande në përmirësimin e kushteve dhe kërkesave ndaj përdoruesve. Por WhatsApp i ka shokuar të gjithë duke bërë të ditur risinë e re që do të sjellë për përdoruesit.

WhatsApp tani më do t’i lejojë përdoruesit të hyjnë në llogaritë e tyre nga një telefon dytësor, ashtu siç mund të përdorni të njëjtën llogari në një kompjuter ose tabletë.

Funksioni i ri sapo është bërë i ditur dhe do të lansohet për përdoruesit në mbarë botën gjatë javëve të ardhshme.

Përdoruesit e WhatsApp kanë kërkuar mundësinë për ta përdorur të njëjtën llogari nga pajisje të shumta prej disa vitesh, dhe ndonëse ka qenë e mundur të përdoret aplikacioni përmes një shfletuesi uebi ose me aplikacionet për PC, kjo është hera e parë që do ta hapni llogarinë në disa telefona inteligjentë.

Sipas një postimi zyrtar në blogun e kompanisë, përdoruesit mund të flasin dhe të kenë qasje në të gjitha fotot e tyre dhe mediat e tjera nga pajisje të shumta pa kompromentuar sigurinë ose privatësinë.

Deri në katër telefona inteligjentë shtesë mund të hapet llogaria e juaj e WhatsApp dhe vetëm telefoni i parë mund të përdoret për të autorizuar qasjen në pajisjet e tjera.