Juli dhe Romeo ka qenë padiskutim një ndër dyshet më të komentuara të këtij edicione, përplasjet e të cilëve kanë nisur që në javët e para të hyrjes në shtëpinë e BBV.
Në një prej klipeve të prezantuar mbrëmjen e sotme, është shfaqur Romeo teksa i ka thënë Julit se ka informacione për të që nëse i tregon, aktori do të dalë nga shtëpia.
Në lidhje me këtë deklaratë, Ledioni ka pyetur Romeon se cili është informacionit që mund të nxjerrë Julin nga shtëpia, ky i fundit ka thënë se Juli e ka nxjerë nga konteksti fjalinë e tij.
“Juli deformoi bisedën, unë po i thoja mos i përdor gjërat nga jashtë… Ky e trajtoi ashtu, ‘çfarë informacioni do më thuash ti që do më nxjerrësh jashtë’. Unë nuk thash se kam një informacion të tmerrshëm… ‘i thash që asgjë nga jashtë nuk përdor’”, tha Romeo.
Ndërkohë ka ndërhyrë Rikja e cila tha: Dhe unë di informacion për Julin. Juli nuk tregon kurrë rrogën e tij, unë di rrogën e tij, dhe e ka shumë të lartë dhe nuk i duhet çmimi këtu.
