Reperi i njohur shqiptar, Stresi dhe ish-partnerja e tij Keisi, kanë finalizuar divorcin pas disa vitesh ndarje.
Lajmin e ka dhënë vetë këngëtari në një intervistë të dhënë së fundmi, ku ka treguar se ka qenë në gjykatë për të firmosur ndarjen.
Stresi zbuloi se ish-partnerja e tij kishte bërë kërkesë në gjykatë për t’u ndarë dhe ai e ka zbuluar në momentin që i ka ardhur letra për t’u paraqitur në seancë.
Ndër të tjera, i ftuar në Top Albania Radio ai tregoi se martesa me Keisin është bërë fshehurazi, ndërsa shtoi se “unë nuk dija seç ishte dashuria”.
“Të them të drejtën, unë kam pasur një lidhje martesore. I celebruar me ish-partneren që kam pasur dhe e përshëndes shumë. Është vajzë e mrekullueshme. Unë nuk dija seç ishte dashuria. U martuam kështu fshehurazi. Edhe kur vjen një letër para dy ditësh dhe thotë që të mërkurën duhet të jesh në gjyq. Dhe shoh që ishte civile shkruante aty.
Dhe në momentin që shkoj aty më pret avokati sot edhe më thirrën Arkimed Lushaj dhe ‘Filane’ Lushaj’. Unë po rrija. Isha habitur me të thënë të drejtën se po vija edhe nga xhirimet. Kur futem aty edhe e shoh thashë ‘wow.”, tregoi ai.
