Suksesi i spektaklit “Këngë moj” transmetuar në “Vizion Plus” në periudhën 2020-2022 u bë i dukshëm. Një servirje e muzikës shqiptare, si asaj popullore ashtu edhe muzikën e lehtë për publikun që sigurisht nuk e harron lehtë. E pikërisht për kënaqësinë e këtij publiku, “Këngë moj” do të rikthehet. Këtë herë, spektaklet do të serviren si koncerte të formës “ One Big & Friends “, përshembull, “Aurela Gaçe & friends” etje, për 11 netë me radhë.
Artistët do të vijnë me këngët e tyre, por edhe me bashkëpunime me artistët që ftojnë në natën e tyre speciale. Ka edhe surpriza dhe njëra prej tyre është moderatorja. Bëhet fjalë për këngëtaren e mirënjohur Eneda Tarifa.
Kjo e fundit prej disa vitesh është shkëputur nga moderimi, por duket se rikthimin e ka pikërisht në një pjesë të shpirtit, pranë muzikës. “Këngë moj”, do të moderohet pikërisht prej saj. Prej 12 tetorit, çdo të enjte do të shohim Enedën, por edhe 11 artistë në netët e tyre speciale në “Vizion Plus”.
