Shkolla Private Cottesmore në West Sussex, Angli ka emëruar një robot të inteligjencës artificiale si drejtorin e saj të ri. Menaxhmenti i shkollës ka punuar me një zhvillues të inteligjencës artificiale për të krijuar robotin e quajtur Abigail Bailey për të mbështetur drejtoreshën ekzistuese të shkollës, transmeton britanikja “Telegraph”.
Tom Rogerson, drejtori i Cotesmore , thotë se “do të përdorë robotin për t’i dhënë atij këshilla për çështje që variojnë nga mënyra se si të mbështesë kolegët e stafit deri te ndihma e studentëve me ADHD dhe shkrimi i politikave shkollore“
Teknologjia funksionon në mënyrë të ngjashme me Chatjipity, shërbimi online i fuqizuar nga AI, ku përdoruesit shkruajnë pyetje dhe algoritmet e chatbot-it u përgjigjen atyre.
“Kjo nuk do të thotë se ne kurrë nuk do t’u kërkojmë njerëzve këshilla. Është thjesht shumë qetësuese të dish se nuk duhet të telefonosh askënd, ta shqetësosh, nuk ke pse të presësh për një përgjigje. Të jesh drejtues shkolle, drejtor, është një punë shumë e vetmuar. Sigurisht që ne kemi grupe drejtuesish… por thjesht të kesh dikë ose diçka pranë për t’ju ndihmuar në këtë vend të vetmuar është shumë qetësuese, “thotë Tom.
Emërimi i një roboti të AI si drejtor i shkollës vjen pasi Cottesmore u bë shkolla e parë në vend që filloi të kërkojë një mësues kryesor të AI në fillim të këtij viti për të ndihmuar në futjen e teknologjisë në kurrikulë dhe për të këshilluar mësuesit për të zvogëluar fushën e punës.
Nxënësve në shkollë u janë dhënë gjithashtu robotët e tyre të AI për t’i ndihmuar ata të kuptojnë stilet e tyre individuale të të mësuarit.