Emisionet televizive me tematika show bizi sigurisht mbahen me të ftuarit VIP, që ndonjëherë është e vështirë që t’i gjesh dhe t’i bësh pjesë e programacionit. Prandaj ndodh shpesh që një VIP ta shohim në disa puntata të një emisioni, ose në disa emisione të një televizioni.
Duke qenë se televizionet e mëdha janë edhe në garë më njeri-tjetrin për shkak të emisioneve me orar dhe tematika të njëjtë, bëhet akoma më e vështirë për të gjetur të ftuar.
Prandaj po vihet në zbatim praktika e “riciklimit” të VIP-ave. Për shembull një pjesë e mirë e personazheve që kanë qenë në Big Brother do t’i shihni edhe në “Dancing With the Stars”. Armaldo Kllogjeri, Elvis Pupa, Ronaldo Sharka, Juliana Nura (BBVK), Fifi, apo edhe Efi Dhedhes janë të gjithë ish konkurrentë të Bigut. Madje edhe moderatorja e forumit, Kiara Tito është një personazh që doli nga Big Brother. Kështu që publiku i njeh mirë shpërthimet e tyre emocionale dhe nuk pret (tashmë) ndonjë gjë të jashtëzakonshme prej tyre.
Armaldo Kllogjeri, Elvis Pupa, Ronaldo Sharka, Juliana Nura (BBVK), Fifi, apo edhe Efi Dhedhes janë të gjithë ish konkurrentë të Bigut.
Fillimisht ishte Juliana vajza e ish-Big Brother Vip që u konfirmua si konkurrente në emisionin e kërcimit, më pas Armaldo me Fifin dhe së fundmi, Elvis Pupa dhe Ronaldo Sharka.
Madje edhe moderatorja e forumit, Kiara Tito është një personazh që doli nga Big Brother. Një Big Brother brenda DWS.
