Dielli perëndoi në qytetin më verior të Amerikës për herë të fundit këtë vit në fund të nëntorit, ndërsa Rrethi Arktik tani përjeton “netët polare”. Utqiaġvik, Alaska, tani nuk do të përjetojë lindjen e diellit deri më 23 janar 2024 rreth orës 13:09 me kohën lokale dhe do të jetë i dukshëm për rreth një orë.
Sasia e dritës së ditës në qytet do të rritet në mënyrë të qëndrueshme gjatë stinës së pranverës, duke arritur pikën e ‘diellit të mesnatës’ gjatë verës. Dhe, e keni marrë me mend, atëherë Utqiaġvik do të përjetojë të kundërtën e dimrit; 24 orë të tëra rrezet e diellit në ditë. Ky fenomen vjetor i natës polare është kur dielli mbetet nën horizont për shkak të animit të Tokës.
Nuk do të ketë errësirë të plotë. Ka disa orë çdo ditë me dritë të mjaftueshme për të parë, por njerëzit që jetojnë atje kanë parë teknikisht perëndimin e fundit të diellit për këtë vit.
