Ndryshimi i motit nuk është kurrsesi në dorën tonë, megjithatë luhatjet drastike të temperaturave ndikojnë fort në dhimbjet e reumatizmës. Dimri dhe pranvera, janë stinë shumë sfiduese për pacientët që preken nga kjo sëmundje.
Reumatizma është një sëmundje autoimunitare që shfaqet tek gishtat, gjunjët, këmbët dhe kyçet. Sipas të dhënave të AgroWeb.org, ajo mund të prekë njerëzit e të gjitha grupmoshave, por kryesisht prek më shumë gratë se burrat.
Roli dhe ndikimi i motit në dhimbjet e reumatizmës mbetet akoma subjekt i studimeve mjekësore. Nëse dëshironi të ndiheni mirë, atëherë përpiquni të lëvizni sa më shumë. Lëvizja parandalon shtimin në peshë dhe presionin e saj mbi gjymtyrë dhe inde.
Lëvizja gjithashtu çliron endorfinën e cila bllokon dhimbjen. Por nëse moti është me të vërtetë i ftohtë, atëherë përpiquni të lëvizni në mjediset e brendshme dhe të kufizoni aktivitetin fizik në ambiente të jashtme.
AgroWeb.org ju rekomandon të shtendoseni trupin rregullisht për të larguar dhimbjet dhe mpirjet.
- Bëni lëvizje në mëngjes ose përpara se të shtriheni për të fjetur.
- Kufizoni sheqerin dhe konsumoni me ushqime të pasura me acide yndyrore omega-3 të cilat luftojnë inflamacionin.
Reumatizma shfaqet ndryshe tek çdo njeri, ndaj përpjekjet për të zbutur dhimbjet duhet të jenë të bazuara në simptomat dhe nevojat tuaja personale.
Disa njerëz nuk gjejnë qetësim duke dalë në diell, ndërsa disa të tjerë përjetojnë më pak dhimbje gjatë ekspozimit në diell.
- Përpiquni të kuptoni më shumë se çfarë ju lehtëson dhimbjet.
- Kur moti është i freskët apo i ftohtë dhe me lagështire, mundohuni që të rrini në një ambient të ngrohtë.
- Mbulohuni dhe vishni rroba të plota.
- Bëni një banjë të ngrohtë për 20 minuta. Ngrohtësia e ujit do të përmirësojë qarkullimin e gjakut në inde.
- Vajrat esencialë që gjendet në farmacitë bimore janë gjithashtu të rekomandueshëm nga AgroWeb.org, për të masazhuar gjymtyrët.Hidhni disa pika vajrash esencialë në duar dhe më pas përhapeni atë në zonat e dhimbjes.
