Moderatorja Megi Pojani dhe ish-shefja e saj e dikurshme Dalina Buzi, nuk kanë mundur që të ruajnë një marrëdhënie shumë të mirë mes tyre, pavarësisht bashkëpunimit që kanë pasur dikur. Në podcasting e saj, Megi ka treguar një histori të përballjes së saj me Dalinën, për shkak të një fustani, edhe pse moderatorja nuk e pëmendi me emër, të gjithë e kuptuan se për kë bëhet fjalë.
Megi tha që gjatë kohës që xhirohej seriali Hostel, asaj i ishte dhënë një fustan për t’u veshur nga ana e stafit, me të cilin ajo kishte postuar një foto në rrjetet sociale, gjë që më pas kishte çuar në irritimin e Dalinës. Sipas, pronarja e fustanit e kishte etiketuar me fjalë fyese, që atë e kanë lënduar, duke marrë parasysh moshën e saj të re, vetëm 20 vjeç, dhe asokohe jo një personazh publik dhe i sprovuar me përballjet.
‘Është një nga gjërat më shënjuese që mua më ka ndodhur, dhe akoma nuk arrij ta kuptoj arsyen pse. Fustani mu dha për të bërë xhirimet e serialit, në kompaninë që unë punoja, ka qenë një dyqan i dorës së dytë, që rishiten rroba shumë të shtrenjta që mund të jenë veshur vetëm njëherë. Më dhanë këtë fustanin që mua më emocionoi, ishte si i bërë për mua, e vesha dhe e hodha një foto në Instagram në sheshxhirim.
Më bie telefoni, dhe më vjen një bisedë shumë agresive nga ish-shefja ime, që më thotë se kush do ta blejë më atë fustan tani. Të nesërmen shkoj në punë, marr vesh që në mëngjes ajo kishte bërë skandal në zyrën ngjitur, fustani shitej me një vlerë 750 euro. Pronarja e fustanit kishte shkuar dhe kishte bërë skandal edhe ajo, kishte thënë pse fustani im vishet nga k*rvat. Tani pranoj çdo etiketim që më bëhet, por atëherë jo se nuk kam qenë personazh publik”, shprehet Megi. Ndërsa shton që ishte detyruar që të blinte vetë fustanin, edhe pse asokohe paguhej me një rrogë prej 350 mijë lekësh të vjetra.
Të njëjtin fustan, Megi tashmë ka vendosur që ta dhurojë për një nga ndjekëset e emisionit të saj.
