Në një intervistë për “Një gotë rose” në MCN, ish-aktori i “Portokalli”, Rezart Veleshnja përveç se ka shprehur nostalgji për bashkëpunimin me disa aktorë, nuk ka lënë pa thumbuar edhe disa të tjerë, që me sa duket nuk ka pasur marrëdhënie të mira.
Dhe një ndër të është Salsano Rrapi. Fillimisht aktori u shpreh se spektakli i humorit duhet të ndryshojë moderimin, sipas mendimit të tij.
Pa përmendur emrat e moderatorëve Salsano Rapi, Xhemi Shehu dhe Fjoralba Ponari, Veleshnja tha se moderimi i “Portokallisë” është “i vjetër dhe klishe”.
“Mbase ka nevojë të ndërrohet moderimi. Për mua, moderimi është shumë i vjetër dhe është klishe. Rrotullohemi ku rrotullohemi dhe sërish hidhemi në të njëjtin vend. Që në momentin që dalin po të njëjtët njerëz, çfarëdo të bëjnë aktorët më të mirë, njerëzve nuk u ndryshon dot [mendësinë]. Kur del gjëja e re, thonë: ‘Prit, se mos ka ndonjë gjë të re’. Le të kenë aktorët gjëra të vjetra, kur është moderimi ndryshe…”, deklaroi ai.
Ndërsa më tutje gjatë intervistës ai solli në studio zhapikun e tij. Dhe me ton ironie ai theksoi disa herë që zhapiku quhet Sali dhe është prezantues spektakël humori.
Që në fakt linte hapur të kuptoje që ky ishte një thumb për Salsanon, i cili është moderator i ‘Portokallies’ dhe të gjithë miqtë e thërrasin Sali. Teksa vazhdonte me një ton të ashpër, Veleshnja u shpreh se Sali lëpinë dhe të spiunon është si gore, por është frikacak.
“Ky është një shoku im.. Po ai është prezantues në spektakël humori, është shoku im ai prezantues. Ai e ka emrin Sali. Saliu të lëpinë gjatë gjithë kohës. Ai nuk të bën asnjë gjë, Sali nuk të bën gjë tjetër përveç se flet, të lëpin, të spiunon të bën, është kështu si grua e keqe, pro nuk të bën gjë. Është frikacak Sali”, theksoi Veleshnja.
Ndërsa kujtojmë se mes Rezartit dhe Salsanon ka patur e më parë kunja në distancë përmes rrjeteve sociale.
Në vitin 2021 Veleshnja u shpreh se paroditë e aktorit Aleks Sitajt nuk duhet të dëgjohen nga adoleshentët, pasi ai tregon se është homoseksual. Asokohe Salsano ka hedhur thumba ndaj Rezartit me anë të një postimi në rrjete sociale. Ai ka postuar një video ku ka interpretuar si femër në “Portokalli”, njëjtë si roli i Vezires që ka Aleksi.
“Unë jam Vivi dhe përshëndes Veziren dhe të gjithë ata aktorë që nuk bëhen dot si Vivian dhe Vezirja”, ka shkruar Salsano.
Epo me sa duket aktorët i paskan hatërmbetjet të vjetra dhe nuk qënkan ndarë mirë m njeri-tjetrin.
