Modelja e njohur Adrola Dushi është shumë aktive në rrjetet sociale, ku shpesh herë ndan me fansat momente nga përditshmëria e saj. Por këtë herë na ka treguar momentet e tmerrit që ka përjetuar.
Së fundmi teksa ka bërë një postim në InstaStory, modelja ka treguar se makina e saj për disa minuta ecte pa marrë asnjë komandë nga ajo, por asgjë nuk ka ndodhur dhe ajo është në një gjendje të mirë shëndetësore.
“Sot kam kaluar një nga ditët e mia më pak të mira. Për herë të parë në jetën time mendova se mund të mos kisha të tjera minuta këtu. Falë Zotit nuk ndodhi asgjë e rëndë dhe askush nuk u lëndua, por kur kuptova se makina ime nuk po merrte asnjë komandë, të them se u tmerrova është pak.
Por falë Zotit jam mirë. Sa bukur është kur ndalesh dhe mendon vetëm për gjërat e bukura që kemi në jetë! Dhe pse ne këtë e kuptojmë vetëm në momente të dhunshme. Jam kaq shumë falenderuese ndaj të madhit Zot. Ai s’më ka lënë kurrë vetëm,” ka shkruar Adrola.
Shpresojmë që kjo të jetë hera e fundit që modelja vihet në këtë situatë.
