Në një artikull të publikuar në tabloidin britanik LadBible, jepet paralajmërimi për lexuesit që të mos bien në gjumë me kondicioner ndezur.
Është e vështirë të të zërë gjumi në temperatura të larta, por nëse mendoni ta mbani ndezur kondicionerin gjatë natës, mendohuni sërish!
24-vjeçarja Liana Foster kishte shkuar me pushime me familjen në Turqi kur të nesërmen u zgjua me një dhimbje fyti.
Nëna e saj vuri re disa njolla të bardha në bajame. Pas një vizite në spital u diagnostikua me tonsilitis dhe mjekët i thanë se shkaktari më i mundshëm për sëmundjen e saj ishte kondicioneri.
Ajo kaloi pesë orë me sërum dhe pas kësaj është trajtuar me ilaçe. Liana shpjegoi se natën e parë të pushimeve e kishin lënë kondicionerin në temperaturë shumë të ulët në dhomë.
