Shqipëria ka ende shumë vende të virgjëra, që kanë pamje të mrekullueshme, por ende nuk njihen shumë nga turistët. I tillë është një vend në Gjirokastër, ku mbi të gjitha ju mund të kalëroni teksa shijoni natyrën dhe ajrin e pastër. Në një kodër mbi qytet, që nga larg të tërheq vëmendjen hingëllima e kuajve dhe trokthi i shpejtë i tyre, teksa kalëruesit përhumbin në thellinë e pyllit.
Në këtë kompleks i cili ndodhet në fshatin “Asim Zeneli” në Gjirokastër, kalërimi zhvillohen në gjitha nivelet e kalërimit duke nisur tek ai fillestar. Tashmë në fermë ka instruktorë, që jo vetëm mësojnë por dhe shëtisin të apasionurit pas kuajve. Tashmë Shqipëria gjendet në hartën ndërkombëtare të kalërimeve dhe ferma ka partnerët e saj nëpër botë.
Mbarështimi i kuajve për kalërim dhe për turizëm është një disiplinë e re, që kërkon mbështetje , pasi pritet të këtë ndikim në zhvillimin e agroturizmit dhe turizmit malor. Shenjat e para kanë nisur më mbështetjen e AZHBR –së, që ka ndihmuar në ndërtimin e pistës për trajnimin e kalorësve. Kalërimi është i lidhur ngushtë dhe me rrjetin e bujtinave dhe sektorë të tjerë të turizmit dhe të gjitha shkojnë bashkë.
Kalërimi po fiton gjithnjë e më tepër terren në lëvizjen turistike në jug të vendit . Turistët e huaj kanë zgjedhur, këtë lëvizjeje për të shijuar bukuritë natyrore ,monumentet e trashëgimisë historike dhe kulturore, por edhe për të shijuar gatimet dhe mikpritjen e banorëve, të cilët ata e vlerësojnë shumë.
