fbpx

Pak ditë para dasmës, regjisori i njohur tregon detajet e ceremonisë

Blloku min lexim

Regjisori i disa formateve televizive Eduart Grishaj, ka rrëfyer copëza nga jeta e tij.

Nga shkollimi, e hapat e para e në television, regjisori Shkodran ka folur pa filtra.

Së fundmi i ftuar në një studio televizive, Grishaj ka treguar dhe disa detaje nga kurorëzimi i dashurisë së tij me moderatoren e njohur Arbana Osmani. Një ceremoni madhështore e cila do të zhvillohet në Toskanë në italinë fqinje.

Filmin e mbyllëm, Big Brother e mbyllëm, fëmijët i bëmë, tani bëjmë edhe dasmën. Thamë ta bëjmë edhe gocën që mos thotë goca: ‘Për një pjatë nuk më thërritët në dasmë”, tha Grishaj.

“ Unë edhe Arbana lëvizim goxha dhe një nga vendet tona të preferuara është edhe Toskana. Janë ca kodra shumë të bukura, është ushqimi që na pëlqen shumë, verën e kanë shumë të mirë dhe donim që me rrethin e ngushtë, që ne kemi thërritur te dasma, ta ndajmë këtë eksperiencë dhe ta bëjmë atje”, tregoi regjisori”.

I pyetur nga moderatori se çfarë ka një episod dasma e tij që është e veçantë?

Grishaj përgjigjet – Të gjithë njerëzit që janë të ftuar në dasmë unë i njoh. Vëllai im ka bërë një dasmë që ka pas 400 veta dhe 70% të tyre nuk i dinim fare se kush janë. Ne nga veriu thërrasim në dasmë një që ka pas thërritur babën dikur, ka pas pas shok gjyshin, dhe e kemi ndarë këtë gjë dhe kemi thërritur njerëzit e afërm.

Sa veta janë të ftuar në dasmë?

Grishaj – Nuk janë shumë 120 veta bashkë me stafin.

Kush do të këndojë?

Grishaj – I pari që do këndoj jam unë. Nga 120 veta që janë në dasmë rreth 50 janë këngëtar, do këndojnë shumë veta. Do bëjmë dhe një ceremoni në kishë. Ato kishat janë shumë interesante dhe historike, janë shumë të bukura dhe do bëjmë edhe ceremoninë e kurorës në një nga kishat. Nuk është se na ka lodhur siç të lodhin dasmat përgjithësisht, por pjesën më të madhe të punës ia kam lënë Arbanës.

Sa do zgjasë dasma?

Grishaj – Besoj tre dit.

E ka kuruar Arbana më shumë apo ti?

Grishaj – Arbana, kur është puna për të kururar këto gjërat familjare, Arbana i bën perfekt.