fbpx

Paditen “Facebook” dhe “Instagram”: Kanë rritur krizën e problemeve mendore tek të rinjtë

Blloku min lexim

Dhjetëra shtete amerikane kanë ngritur një padi ndaj “Facebook” dhe “Instagram”. Në padi thuhet se kompania e Zuckerberg ka mashtruar përdoruesit në lidhje me përdorimin e rrjeteve sociale dhe kanë ndikuar në krizën e shëndetit mendor.

Në padi thuhet se “kompania mblodhi të dhëna për fëmijët nën moshën 13 vjeç, duke shkelur detyrimet e saj sipas Ligjit për Mbrojtjen e Privatësisë në Internet të Fëmijëve.

Pasi është njohur me padinë e dhjetra shteteve amerikane, zëdhënësi i kompanisë “Meta” ka deklaruar: Ne ndajmë angazhimin e prokurorëve të përgjithshëm për t’u ofruar adoleshentëve përvoja të sigurta dhe pozitive në internet dhe kemi prezantuar tashmë mbi 30 mjete për të mbështetur adoleshentët dhe familjet e tyre.

Ne jemi të zhgënjyer që në vend që të punojmë në mënyrë produktive me kompani në të gjithë industrinë për të krijuar standarde të qarta, të përshtatshme për moshën për shumë aplikacione që përdorin adoleshentët, prokurorët e përgjithshëm kanë zgjedhur këtë rrugë“, thuhet në dokument.

“Meta” dhe kompanitë e tjera të mediave sociale, tashmë përballen me qindra padi në SHBA të ngritura nga familje, të rinj dhe rrethe shkollore për ndikimin në shëndetin mendor.