Obeziteti është nga një nga problemet shëndetësore më të mëdha të shekullit të 21, ku fëmijë dhe të rritur janë prekur nga fenomeni i mbipeshës. Në 10 vitet e fundit është rritur numri i personave obezë, dhe shkaku kryesor për këtë është kequshqyerja.
Sipas Organizatës së Kombeve të Bashkuara, edhe pse janë marrë angazhime nga qeveritë, duket se ky fenomen nuk është frenuar por vazhdon që të rritet. Vetëm në vitin 2022 sipas OKB, më shumë se 45 milion fëmijë nën moshën 5-vjeçare ishin mbipeshë, ndërsa 7.3 milion fëmijë morën trajtim mjekësor për shkak të problemeve me peshën.
Po ashtu OKB ka dhënë edhe disa sugjerime për frenimin e obezitetit tek fëmijët që janë:
1- Qasja me në qendër fëmijën dhe kujdesi për nënat dhe foshnjat e tyre.
2- Ushqyerja me gji dhe aksesi në dietat shtëpiake të pasura me lëndë ushqyese janë një komponent kritik si i parandalimit ashtu edhe i menaxhimit.
3- Punonjësit shëndetësorë në komunitet mund të luajnë një rol të rëndësishëm në ofrimin e kujdesit të bazuar në fakte për fëmijët me kequshqyerje.
Organizata Botërore e Shëndetësisë e sheh të zymtë përpjekjen e vendeve për të frenuar obezitetin.
Padyshim që këtu nuk përjashtohet as Shqipëria. Në vendin tonë ka shumë fëmijë që kanë probleme me peshën dhe janë më të shkurtër për moshën që kanë. Edhe pse qeveria propozoi një projektligj për largimin e fastfudeve nga ambientet e shkollave, duket se diçka e tillë nuk është kryer ende, pasi këto vijojnë ta ushtrojnë lirshmërisht biznesin e tyre
