Në mënyrë të pabesueshme, një okuliste hoqi 23 lente kontakti në syrin e një paciente. Dr Katerina Kurteeva shkoi në Instagram për të zbuluar se një grua kishte ardhur për vizitë duke i thënë se kishte dhimbje në sy dhe shikim të turbullt. Pas një kontrolli më të afërt, okulistia pa se skajet e disa lenteve ishin ngjitur së bashku.
“Duke i tërhequr ato, pash që brenda në sy kishte edhe më shumë copëza lentesh. Unë mund të shihja një njollë të madhe lente kontakti në ngjyrë vjollce të errët të mbërthyer në syrin e saj, plotë 23 copëza lentesh.
Në gati 20 vjet praktikë, nuk kisha parë kurrë diçka të tillë. As pacienti nuk mund ta besonte dhe më pyeti nëse isha i sigurt për numrin që po numëroja”, tha ajo.
Shumë nga lentet e kontaktit ishin grumbulluar së bashku për të krijuar një “njollë” dhe pengonin pacienten të shikonte qartë.
