fbpx

“Nuk ke këllqe të më mbash”, Gabriela refuzon Herrisonin: Dua Rolex dhe Cartier

Blloku min lexim

Takimet e para në përputhen nuk kanë nisur aspak mirë. I paparashikueshëm dhe me deklarata të forta ishte takimi  mes Gabrielës dhe Herrisonit në këtë episode të pestë të Për’puthen. Gabriela me natyrën e saj të drejtpërdrejtë ka lënë gojëhapur djemtë, shumica e të cilëve nuk e vlerësuan fare natyrën e saj materialiste.

Gjatë takimit  Gabriela e refuzoi Herrisonin me idenë se ai nuk i jep aspak adrenalinë. Herrisoni e pranoi që është tip i rezervuar, por argumentoi se edhe ai ka vlera dhe se nuk janë njohur mirë akoma që Gabriela të arrijë në të tilla konkluzione. Megjithatë konkurrentja e Për’puthen i ka dhënë “X”, duke bërë që ai të largohet i irrituar nga studio.

Gabriela tha se lulja e jetës që i dhuroi Herrisoni nuk i pëlqeu fare. Si materialiste që është ajo do të kishte preferuar më shumë ndonjë buqetë me lule, orë Rolex ose bizhu Cartier.

Gabriela: Tipat si ky nuk më tërheqin. Dua më adrenalinë dhe ti këtë gjë nuk po ma jep. Je shumë i rezervuar.

Herrisoni: Po, unë jam i rezervuar.

Gabriela: Për çfarë erdhe në Për’puthen atëhere?

Herrisoni: Erdha të gjej një njeri që të më përshtatet, që të kalojë jetën.

Gabriela: Ty akoma nuk të është shëruar zemra nga lidhja e mëparshme.

Herrisoni: Mua zemra më është shëruar sepse ka kaluar gati një vit e ca. Të siguroj se tani nuk mendoj më për atë, tani mendjen e kam për ty.

Gabriela: Mendjen e ke tek unë? Si kështu?

Herrisoni: Jam 100% me ty.

Gabriela: Po unë të refuzoj.

Herrisoni: Po mirë, unë të thash që ky tip jam por ndoshta nuk jemi njohur aq sa duhet.

Gabriela: Jo flamur të kuq, jo karton të kuq që more tani ti por një “X”.

Herrisoni: Po dakord mo, me karton të kuq e të zi… kalofsh mirë.

Gabriela: Kështu thoni ju… është si puna e dhelprës që kur se kapi dot rrushin tha që është i papjekur.

Herrisoni: Po po, dakord. Mirupafshim, shifna. Gjithë të mirat.

Gabriela: Amin, gjithashtu edhe ti.