A tmosfera e shtëpisë më të famshme në Shqipëri duket se është trazuar pas dy hyrjeve të reja në “Big Brother VIP 3”.
Një nga banorët e rinj është këngëtari Endrik Beba, i cili në klipin e tij prezantues përmendi se ka qenë në një lidhje me një nga banoret. Nga ana tjetër, Sara teksa shikonte këtë klip bënte ca reagime që janë vënë re nga pjesa tjetër e shtëpisë.
Pas përfundimit të spektaklit, Meritoni ka marrë veçmas Endrikun për t’a pyetur në lidhje me këtë gjë.
Pjesë nga biseda:
Meriton: Dëgjova mënyrën si u prezantove. Më bëri pak përshtypje kur the në fund që kam pasur një histori. Do ta diskutojmë një ditë për qejf.
Endrik: Për historinë?
Meriton: Po. Pjesa e fundit m’u duk pak provokative.
Endrik: S’kam asnjë gjë provokative. Unë të gjithë që janë këtu do t’i respektoj siç i njoh këtu brenda, Të gjithë i kam miq unë i vlerësoj që të gjithë si njerëz. Nuk më intereson as të ndërhyj.
Meriton: Cila është arsyeja që e the atë?
Endrik: Është një gjë që dihet. Nuk mund të jap informacione nga jashtë.
Meriton: Nuk munde të mos e thuash fare?
Endrik: Jo. Kur të dalësh do ta kuptosh.
