Efi Dhedhes ka treguar se e refuzoi kërkesën që i erdhi për t’u bërë pjesë e filmit “Në Kuadër të Dashurisë”. E ftuar në emisionin “Shqipëria Live”, ish-finalistja e Big Brother Vip Albania tha se i është bërë një ofertë për të luajtur një rol në filmin e shumëpërfolur, por që ajo e ka refuzuar për një arsye të veçantë.
“Më ka ardhur por nuk më tërheqin shumë. Nuk dua thjesht të futem dhe kaq. Dua që vërtet të më pëlqejë diçka që ta bëj.Më erdhi një propozim por që absolutisht që nuk e pranova pasi ishte një gjë shumë e vogël, pra një rol i parëndësishëm”, tregoi Efi.
Ajo shtoi se nëse do i ishte ofruar një rol protagonisteje, patjetër që do e kishte pranuar dhe nuk do e kishte aspak problem të luante përkrah Luizit dhe Oltës.
