Reperi i njohur shqiptar, Rigels Rajku, ose i njohur ndryshe me emrin Noizy, është shpallur në kërkim nga policia e Kosovës, pas dhunës barbare që ushtroi së bashku me grupin e tij ndaj personazhit të TikTok-ut, Medi Iseni.
Ndaj reperit është lëshuar një fletë arresti, e kjo pasi nuk zbatoi “premtimin” e bërë për t’u paraqitur përballë autoriteteve për t’u marrë në pyetje.
Dyshohet se Noizy ndodhet ende në Kosovë e se madje ka pëformuar në një klub nate.
Ka qenë Prokuroria e Pejës që ka lëshuar fletë-arrestin ndaj tij.Zëdhënësi i Prokurorisë në Pejë, Shkodran Nikçi, ka apeluar për bashkëpunim: “I njëjti nuk është paraqitur në stacionin policor për intervistim. I bëjmë apel këngëtarit që të paraqitet tek organet kompetente”, ka thënë ai.
Kujtojmë se reperi së bashku me grupin e tij dhunuar në mënyrë brutale personazhin e TikTok-ut, Medi Iseni në një klub nate në Pejë, mëngjesin e 2 gushtit.
