Dhuna në familje, por sidomos dhuna ndaj vajzave, është një fenomen i vjetër shqiptar. Kohët sot kanë ndryshuar, por ndoshta vetëm nëpër qytete, sepse në fshatrat e thellë mentaliteti vazhdon të jetë shkaku i dhunës që ushtrohet ndaj vajzave dhe grave.
I tillë ishte dhe mesazhi që kishte mbërritur nga një ndjekëse në rrjetin social “Instagram” të opinionistes së “Për’puthen”, Neda Balluku, e cila kohët e fundit është shumë aktive me këshillat dhe opinionet e saj.
Një vajzë tregon se nëna e saj e dhunonte në mënyrë barbare, ndërsa vëllezërit i donte shumë. Dhe shkaku për këtë dhunë të vazhdueshme ishte gjinia e saj.
