Prej futjes së Gracianos për herë të dytë në shtëpinë e Big Brother, në rrjet kanë qarkulluar lajmet për një krizë në lidhjen e tij me moderatoren Argjira Spanca. Këtë e ka konfirmuar dhe vetë Graciano, i cili brenda shtëpisë është shprehur se është treguar egoist në marrëdhënien e tij me Argjirën, dhe ajo duket se ka qenë kundër rikthimit të tij në Big Brother.
Por ndryshe nga aludimet se kjo ndarje apo krizë, mund të ishte sajuar nga vetë çifti për vëmendje, momenti i vështirë mes tyre është konfirmuar dhe nga miku i përbashkët i të rinjve, Edi Manushi.
Ai tha se marrëdhënia e çiftit nuk ka kaluar në ndarje përfundimtare, por probleme janë reale, dhe nuk bëhen për famë. Manushi u shpreh se pas daljes së Gracianos nga Big Brother VIP, do të sqarohen më tepër për marrëdhënien e tyre.
“Me sa dimë ne nuk është një ndarje akoma, për famë jo e jo. Është një problem. Një çift që do të sqarohen kur të dalë Graciano nga Big Brother VIP”, tha moderatori.
