Tensionet janë pjesë e pandashme e shtëpisë së “Big Brother VIP Kosova”, dhe kjo u vërtetua së fundmi me një përplasje të ashpër mes këngëtares Linda Halimi dhe konkurrentit tjetër Gani Gërmia. Shkëndija e debatit u ndez kur në një bisedë mes banorëve, Gani përmendi vajzën e Lindës, duke e bërë këngëtaren të reagojë me tone të larta dhe fjalë të ashpra.
Linda u shpreh në mënyrë të prerë dhe me emocion, duke i quajtur Ganiun “rrugaç, patriarkal, i palarë dhe pijanec”. Ajo i theksoi atij se nuk duhet të përzihet në çështjet e saj personale dhe të përmendë familjarët e saj, në veçanti të bijën. “Mos ma përmend vajzën”, ishte kërkesa e qartë dhe e prerë e Lindës drejtuar Ganiut.
Situata u tensionua aq shumë sa edhe banorët e tjerë të shtëpisë u përfshinë në përpjekjen për të qetësuar situatën. Debati i ashpër tregoi se ka çështje të caktuara që janë jashtëzakonisht delikate dhe personale për pjesëmarrësit dhe se respekti i kufijve personal është esencial në shtëpinë e BBVK.
