Mozzik dhe Lotina Haziri që ditën që vendosën të konfirmonin lidhjen e tyre të dashurisë, ata nuk i fshehin më daljet së bashku apo edhe dedikimet romantike për njëri-tjetrin.
Së fundmi, Lotina ka bërë një dedikim të veçantë për reperin e njohur, teksa ka ndarë edhe disa foto tek shihen të lumtur e më të dashuruar se kurrë.
“Askush si ti në këtë botë”, ka shkruar ajo krahas fotove me Mozzik.
Ndërkohë kujtojmë se ishte këngëtari ai i cili konfirmoi lidhjen me Lotinën, duke u shprehur gjithashtu se Lotina ishte gjëja më e mirë që i kishte ndodhur në jetë.
Reperi i njohur, i cili ka një vajzë Hanën me ish-partneren, Loredana, tregoi se i ka shkruar prej kohësh vajzës së deputetit të Kosovës, Lutfi Haziri.
“Pasqyron një pëlqim timin të vjetër”, rrëfeu Mozzik, teksa fliste për ndjenjat që ka për 25-vjeçaren.
Ai u shpreh se ndihet shumë i lumtur dhe se gjërat mes tyre kanë ardhur në mënyrën më të bukur.
“Është temë shumë e shkurtër, që përmbyllet shumë qartë. Ajo ndjesia jem që jam shumë mirë edhe jam shumë i lumtur. Lotinës i kam shkruar shumë moti. Nuk është kjo, do të thotë që pasqyron një pëlqim timin të vjetër.
Më pas jemi takuar live dhe siç kanë ardhur ujërat e jetës. Po kanë ardhur në mënyrën më të mirë dhe më të sinqertë, më të drejtë. Vetëm kanë ardhur. Është gjëja më e mirë që më ka ndodhur në 28-vite jetë. Tani dal ngadalë do të jetoj në Gjilan”, u shpreh Mozzik.
