Këngëtarja e njohur, Mariah Carey ka rikonfirmuar vendin e saj si “Mbretëresha e Krishtlindjeve” duke thyer një tjetër rekord pikërisht në kohën e festave, më këngën e saj mjaft të famshme për Krishtlindje.Këngëtarja e “All I Want For Christmas Is You” ka riafirmuar edhe një herë vendin e saj në krye të top-listave të Spotify, duke thyer një rekord që i vendosi vetes vitin e kaluar. Me 23.7 milionë klikime, kënga ka kaluar rekordin e vitit të kaluar prej 21.2 milionë.
Kjo gjithashtu përputhet me rihyrjen e saj në vendin e parë në Billboard Hot 100, duke shënuar javën e 59-të të këngës në vendin e parë që kur u publikua për herë të parë në 1994. Shpërthimi i rekordeve vjen vetëm disa javë pasi dukej se ajo do të rrëzohej nga froni nga 79-vjeçarja Brenda Lee, e cila u rendit në vendin e dytë.
Ndërsa kënga “Jingle Bell Rock”, i cili u publikua për herë të parë në vitin 1957, zuri vendin e tretë. Përfundimi i top pesëshes shumë festive ishte Wham’s “Last Christmas”, publikuar për herë të parë në 1986 dhe “A Holly Jolly Christmas” nga Burt Ives, i cili u regjistrua në 1964. “Kur shkrova “All I Want For Christmas Is You”, nuk e kisha idenë absolutisht se çfarë ndikimi do të kishte kënga në mbarë botën. Jam shumë mirënjohëse që kaq shumë njerëz gëzojnë me mua çdo vit” u shpreh Carey për këngën e saj në vitin 2021.
