Prej disa ditësh kemi parë në rrjetet sociale të Fatma Haxhialiut dhe Aulona Mustës disa postime që kanë habitur ndjekësit e tyre. Dy gazetaret e njohura, të cilat janë mikeshe prej shumë vitesh, kanë hedhur ‘kunja’ kundrejt njëra-tjetrës.
Në postimet në “Instastory”, ato herë pas here kanë etiketuar njëra-tjetrën dhe i janë kundërpërgjigjur njëra-tjetrës. E fansat e tyre janë kuriozë të dinë nëse ka ndodhur vërtetë diçka mes tyre, apo thjesht po bëjnë shaka në rrjetet sociale.
Këtë e ka zbuluar Aulona gjatë një interviste për Lei Krajën në “Pushime on Top”. Teksa moderatorja e njohur e pyeti nëse do të rikthehet në ekran me Fatmën, gazetarja foli pak edhe për raportin e saj për momentin.
Musta tha se ‘Fatma ka bërë diçka që nuk duhej t’a bënte’, duke shtuar gjithashtu se ‘nuk është zënie tamam’. Por nga ana tjetër, Aulona shprehu dëshirën që ‘dyshja e tyre të rikthehet në ekran’.
