Mbrëmjen e djeshme konkurenti i “Big Brother Vip Kosova”, Ardi ka bërë një deklaratë të fortë për Shqipe Hysenaj në darkën e të nominuarve. Ai dhe Mirdoni u pyetën nëse janë afruar me konkurenten për shkak të lojës, ndërsa Ardi e mohoi këtë plotësisht, ndërsa tha që pavarësisht kësaj mbas 20 vitesh mund të ke 5 fëmijë me Shqipen. “A e keni pjesë të lojës që njëri prej jush të jetë mirë me Shqipen e tjetri keq?”- e pyeti konkurenti.
“Shqipen nuk e kam parë me qenë në një marrëdhënie romantike. Nuk i dihet jetës, mbas njëzet vitesh ne mundemi me i pas pesë fëmijë, nuk e di si do shkojë jeta”– tha Ardi.Mirëpo konkurenti nuk e la me kaq, pasi ai tregoi se disa banorë të tjerë janë munduar që ta ngjyrosin imazhin e Shqipes në këtë mënyrë, por sqaroi se mes tyre nuk ka ndjenja.
“Unë nuk e shoh, e di që ka pasur tendenca nga banorët me e ngjyros në këtë mënyrë. Shqipes i ka penguar shumë, ashtu ka thënë dhe unë e kam marr si të vërtetë edhe jam mundu edhe me banorët e tjerë me qartësu se nuk ka ndjenja mes neve”, tha ai.
