Gjatë ditës së djeshme, Kiara Tito zbuloi për ndjekësit e saj se kishte bërë një ndryshim në pamjen e saj. Moderatorja e njohur postoi një foto në “Instastory” ku duket që i ka prerë dhe errësuar flokët.
E menjëherë pas këtij ndryshimi, Kiara duket se ka marrë shumë mesazhe ku e kritikojnë për këtë veprim pasi sipas tyre, nuk duhet t’i presësh flokët gjatë shtatzënisë.
“Nuk bën t’i presësh flokët kur je shtatzënë”, i ka shkruar dikush me mesazh, të cilin Tito e ka publikuar në “Instastory” dhe bashkëngjitur me të ka vendosur që t’i japë edhe një përgjigje.
Moderatorja shprehet se nuk beson në gojëdhënat që gjatë shtatzënisë të mos priten flokët.
“Po shoh shumë mesazhe të tilla. Kush e thotë këtë? Të presësh flokët në shtatzëni nuk është e ndaluar! T’i presësh ose jo është zgjedhje. Nëse e keni fjalën për gojëdhëna, nuk besoj në gjërat të tilla dhe nuk jam supersticioze. Faleminderit!”.
Ndërsa vazhdon të publikojë foto ku duket e lumtur me ndryshimin e bërë.
