Valbona Peraj, këngëtarja dhe autorja e shumë këngëve të njohura ka folur në një intervistë televizive për jetën e saj në Amerikë dhe planet e saj për të ardhmen. Këngëtarja tregoi me tone zhgënjyese arsyen e vendimit të largimit nga Shqipëria.
“Para se të largohesha për në SHBA unë punoja në “Ministrinë e Transporteve” në Drejtorinë e Përgjithshme. Pas ndryshimit të qeverive filluan ndryshimet politike, ti je e PD-s ose ti je e PS-s, ma ngushtuan litarin në fyt.
Vinin pastrueset bënin shefen, u bë një orgji, një prostitucion në zyrat shtetërore. Këtu të shohin për atë që shohin jo për atë që je. Në Amerikë i kam hedhur diplomat në kosh por jam shumë mirë”, tha Peraj. Ajo tregon se më mirë bënë një punë pastruese në Amerikë se sa në Administratë në Shqipëri.
