Deklaratat e aktorit të humorit Osman Azemi, se shqiptarët janë ziliqarë në raport me suksesin e shqiptarëve të Kosovës, kanë nxitur një sërë reagimesh në rrjetet sociale dhe jo vetëm, në të dyja anët e kufirit.
Në mesin e personazheve publike që kanë reaguar është dhe aktori Julian Deda, i cili i kujton kolegut të tij Azemi, kohën kur vinte nga Kosova, për të qenë pjesë e spektaklit Portokalli.
Juli shprehet se ndaj tyre nuk ka pasur asnjëlloj paragjykimi apo ndasie, ndërsa thotë se deklarata të tilla si ajo e Azemit mund të nxisin përçarjen.
“E dëgjova me vëmendje deklaratën e kolegut tim nga Kosova, Osman Azemi, e para se e kam koleg, është artist, dhe është figurë publike. Dhe ajo që është më e rëndësishmja është shqiptar gjithashtu, vura re njëlloj mllefi, një lloj dashakeqësie. Shqipëria nuk e ka zili Kosovën, shqiptarët nuk kanë asnjë kompleks me shqiptarët e Kosovës, përkundrazi, ne prej vite bashkëpunojmë në shumë fusha. Ne na gëzon fakti që Granit Xhaka, Shaqiri e Rira Ora, ecin përpara, nuk e kemi kompleks, jemi shumë të lumtur për këtë.
Më kujtohet Osman kur ti vije nga Kosova për të marrë pjesë në Portokalli, në kohën kur Portokallia ishte në majat e veta, ne ju kemi respektuar dhe ju kemi dashur pa fund, do të doja që të mos i harroje këto momente. Ke qenë njësoj si ne, që ishim rezidentët e Portokallisë, do të thoja që duhet të bësh pak kujdes, dhe ta shohësh me bonses, ne na ka ndarë historia, ne jemi një komb, një gjak, një flamur.
V
