Media amerikane New York Times ka paditur kompaninë Microsoft dhe Open AI për shkeljen e së drejtës së autorit. Padia është depozituar në Gjykatën Fedrale në Manhatam këtë të mërkurë ku New York Times pretendon se Microsoft dhe Open AI kanë kopjuar informacione nga burime të ndryshme ku këtu përfshihet edhe New York Times për të ndërtuar sistemet e burimeve pa leje ose në këmbim të pagesës.
“Përdorimi i paligjshëm i artikujve të lajmeve të mbojtura nga e drejta e autorit kërcënon aftësinë e The Times për të orfruar shërbimin, pas hetimeve të thelluara, opinioneve, rishikimeve dhe udhëzimeve të bëra për kompanitë në fjalë“, thuhet në padinë e depozituar.
Pretendimi vjen pasi Open AI u trondit nga konfliktet e brendshme në drejtimin e kompanisë ku është diskutuar nëse duhet të respektohet parimi i sigurisë mbi të cilat kompania është themeluar apo të ndiqte një strategji më pak të kufizuar me qëllim rritjen dhe zgjerimin e Open AI. New York Times ka raportuar se padia është realizuar pas dështimit të negociatave me Microsoft dhe Open AI.
Kjo nuk është hera e parë që kompani të inteligjencës artificiale paditen nga kompanitë multimediale të mediave audiovizive dhe të shkruara. Kompania e gifeve ‘Getty’ ka paditur kompanitë e inteligjencës artificiale që përdorin materialet pa të drejtën e autorit.
